​Сентябрда ва умуман декабргача инфляция доим юқори бўлган Эртагача Марказий банк асосий ставкани кўриб чиқиш бўйича Марказий банк бошқарувининг навбатдаги йиғилишини ўтказади. Охирги йиғилишда йил якуни бўйича инфляция даражаси 12-14 фоизлик коридорнинг қуйи чегараси атрофида шаклланиши қайд этилган эди. Ҳозирча, июль ва август якунлари бўйича инфляция ростанам қуйи чегарада (12,3%) шаклланиб бормоқда. Ўзбекистонда мавсумий тарзда талабнинг кескин ўсиши фонида сентябрь ойида ва ундан кейин йил охиригача доим юқори инфляция босими юз бериб келган. Охирги уч йилда сентябрь-декабрь ойларида бирон марта расмий ойлик инфляция 1,1%дан пастга тушмаган. Хусусан, 2021 йил сентябрда 1,1%, октябрда 1,3%, ноябрда 1,2% ва декабрда 1,3%лик инфляция қайд этилган. Мақсадли қуйи коридор айтайлик, ҳозирги 12,3%лик инфляция ушлаб турилиши учун сентябрь ойида ва йил охиригача ўтган йилги базавий кўрсаткичлардан кўра пастроқ индексларга эришиш керак бўлади. Бу имконлими? Давлат харажатлари бюджет дефицити кенгайиши билан бирга кескин ошиб бораётган шароитда ва ташқи ноаниқликлар бартараф бўлмаган вазиятда айниқса?!