Ўзбекистон ва Тошкентда эски ва авариявий уйларни таъмирлаш, бузиш ва қайта қуриш билан боғлиқ Реновация дастури бошланмоқда Бу ҳақдаги ҳукумат қарори лойиҳаси эълон қилинди. Таъмирлаш ва бузиб ўрнига қуриш учун танланган кўп қаватли уйлар қайси тамойилларга кўра сараланганлиги айтилмаган. Масалан, Учтепа туманида 2013 йилда қурилган 12 қаватли уй таъмирлаш реновациясига тушган. Бузиш ва қайта қуриш орқали амалга ошириладиган реновация рўйхатига кўпроқ шаҳар маркази ва марказий кўчалардаги кўп қаватли уйлар тушгани эътиборни тортади. Масалан, пойтахтнинг қоқ марказидаги Шевченко, Мустақиллик ва Ниёзбек йўли кўчаларидан бир неча кўп қаватли уй авариявий деб топилиб бузиладиган рўйхатга қўшилган.