Арманистон янги кўпригимиз бўлади FlyOne Armenia лоукостери Тошкент-Ереван йўналишида ҳафтасига икки марта қатновларни амалга ошира бошлаган (бир томонга ўртача 127 евродан). Июннинг бошида Shirak Avia Еревандан Тошкентга ҳафтасига икки марта (сешанба ва жума, бир томонга ўртача 150 доллар)) қатновларни йўлга қўйганди. Арманистоннинг муҳимлиги шуки, мамлакатнинг Ереван ва Гюмри шаҳри аэропортлари орқали лоукостерлар (хусусан, Wizz air) билан Европа шаҳарларига етиб олиш мумкин. Худди шундай, европалик туристлар Арманистон орқали Ўзбекистонга етиб келиши мумкин.