Маҳалла марказлари бўйича ёпиқ қарорлар очиладими? Лолазор маҳалласида болалар майдончаси ўрнидаги ноқонуний қурилиш юзасидан тадбиркорга жиноят иши қўзғатилган. Ёзилишича, «Маҳалла» хайрия жамоат фонди балансида бўлган ҳудуд кейинчалик "Al-Latif Hearts Tower" МЧЖ тасарруфига ўтказилган ҳамда реконструкция ва қўшимча бино-иншоотлар қуриш учун тегишли рухсат ҳужжатлари расмийлаштирилган. Газета'нинг ёзишича, 2025 йил 31 майда Шаҳарсозлик ҳужжатлари экспертизаси Республика марказининг эксперт хулосаси олинган. Қурилиш-монтаж ишларига рухсатномани Тошкент шаҳар қурилиш соҳасида назорат қилиш инспекцияси 2026 йил 6 мартда берган. Тадбиркорнинг мотивлари ўз-ўзидан тушунарли. Қанчалик амораль бўлмасин, ўша болалар майдончасида кўп қаватли бино қуриш ва фойда кўриш. Лекин бу жараёнда маҳаллий ҳокимият ва марказий органларининг шериклиги йўқми? Уларнинг масъулияти-чи? Юқори даражада эътиборга тушган шу иш сабаб бўлиб, Маҳаллла марказлари қуриш важида ер эгаллаш бўйича Тошкент тажрибаси балки бир инвентаризация қилинар? Бу лазейка бўйича кимлар ер сотган, кимлар ер олган? Нега аҳолининг фикрларини ҳеч ким инобатга олмаган? Муаммо фақат Лолазор маҳалласидами?