Илгари нақ 5та норматив ҳужжатда акс этган қоидалар бирлаштирилиб, ягона Ўзбекистон Республикасида валюта операцияларини амалга ошириш қоидалари тасдиқланди. Қоидалар 1 сентябрдан кучга кирган.
Қоидаларга мувофиқ, валютани тартибга солиш соҳасидаги қатор тартиботлар соддалаштирилиб, ўз аҳамиятини йўқотган нормалар бекор қилинган.
Хусусан, жисмоний шахслар билан валюта операцияларини амалга оширишда улардан паспорт нусхаси талаб қилиш билан боғлиқ норма мазкур қоидаларда мавжуд эмас.
Кўпчилик бу ҳолатни энди айирбошлаш шохобчаларида валюта сотиб олиш учун паспорт керак эмас, деб тушунмоқда. Менимча шу ерда янглишиш бордек.
Айни вақтда норезидент жисмоний шахсларга чет эл валютасини сотиш улар томонидан Республика ҳудудида миллий валюта маблағларининг қонуний манбалардан олинганлигини тасдиқловчи ҳужжатлар тақдим этилганда амалга оширилиши нормаси мавжуд.
Тижорат банклари валюта айирбошламоқчи бўлган жисмоний шахснинг резидент ёки норезидент эканини қандай аниқлайди?
Паспортсиз резидент ёки норезидентлик қандай идентификацияланади?
Мен буни ўзимча қуйидагича талқин қилдим: жисмоний шахслар билан валюта операцияларини амалга оширишда паспорт тақдим этилади. Лекин ундан нусха олинмайди.
Адашаётган бўлиши мумкин. Регуляторнинг расмий изоҳига зарурат бор албатта.
@the_bakiroo