Депутатлар бандлик статистикаси ҳаққонийлиги бўйича савол қўйишган Бугун Қонунчилик палатасида Бош вазир ўринбосари, Иқтисодиёт ва молия вазири Жамшид Қўчқоров ҳукуматнинг 2026 йилнинг биринчи ярим йиллиги бўйича ҳисоботини тақдим этган. Ялпи мажлис йиғилиши, афсуски, яна YouTube’да жонли эфирда кетмаган (кеча Қўчқоровнинг чиқиши форумда жонли эфирда кетди, бутун дунё кўрди, демак, қилса бўларди), парламентнинг тўртта ва яна яримта адашган фойдаланувчи кириб қолсагина кўрадиган сайтига жойланган (узатиш пайти на қайта ишлай оласан, на орқага қайтасан). Жараёнда қизғин муҳокама бўлган масалалардан бири ҳукумат кўрсатаётган расмий бандликнинг нақадар ҳаққонийлиги ва норасмий бандликнинг қандай оқартирилаётгани билан боғлиқ бўлган.