2030 йилгача 300 млрд долларлик иқтисодиётга чиқиш учун инвестициялар оқими тўхтамаслиги керак «Лолазор» подкастида Ўзбекистон 2030 йилгача ЯИМни 300 миллиард долларга етказиши учун нималар қилиш кераклиги ҳақида гаплашгандик (31:29 дан бошлаб кўринг). Саналган шартларнинг биринчиси — инвестиция оқими тўхтаб қолмаслиги. Бугун бу борада Хитой алоҳида ўрин тутади. Хитой Ўзбекистоннинг энг йирик савдо ҳамкори: 2026 йилнинг январь–июль ойларида икки давлат ташқи савдо айланмаси 11,3 миллиард долларни ташкил қилган. Шу билан бирга, Ўзбекистонда Хитой капитали иштирокидаги 6 241 та корхона фаолият юритмоқда — бу бошқа давлатлар орасидаги энг юқори кўрсаткич. Ҳолбуки, шундай катта маррани мақсад қилган эканмиз, бир нарсани унутмаслик керак: биз тобора кўпроқ сармояларни жалб қилишимиз шарт. Инвестиция ўз-ўзидан келмайди, ҳеч ким шунчаки келиб, бизга пул тутқазиб кетмайди. Инвестор учун бозор жозибадорлиги, очиқлик, қоидалар барқарорлиги ва маблағларнинг ишончли ҳимояси бош мезондир. Шу боис инвестиция муҳитини янада яхшилашимиз, тадбиркорликка бундан ҳам кенг йўл очишимиз ва капитал учун жозибадор мамлакатга айланишимиз шарт.