Ўзбекнефтегазнинг яна ўнлаб заправкалари сотувга қўйилади Яқиндагина Socar билан заправкалар тармоғи очиш режаларини анонслаган Ўзбекнефтегазга нефть базалари орқали тегишли бўлган ўнлаб ёқилғи ва газ қуйиш шохобчалари ҳам оммавий савдолар орқали сотилиши белгиланган. Бу заправкаларни сопини ўзидан чиқариб, яширинча "хусусийлаштирилган" UNG Petro билан чалкаштирмаслик керак. Янги дастурга киритилган заправкалар, масалан, Тошкент шаҳрида Чинобод ва Кучлук нефть базасига қарашли Янгиобод, Қўйлиқ-1, Қўйлиқ-2, Сергели, Сергели-2 шохобчаларидир. Вилоятларда ҳам худди шундай ҳудудий нефть базалари орқали бошқариладиган заправкалар сотувга чиқарилган. Бир қарашда, охирда 7-8 йилда завод ва конлари, активлари ва улушлари турли схемалар билан пароканда қилинган ва таланган Ўзбекнефтегаз яна уларни консолидация қилишни бошлаган кўринганди. Лекин агар консолидация режалари самимий ва жиддий бўлса, нега ишни заправкалардан ҳам бошламаслик керак. Уларни яна майдалаб сотиш не даркор? Ўзбекнефтегазга унинг бренди остидаги заправкалар тармоғи керак эмасми?