Халқ томон юриш Кеча Фарғонада ёпилган йўллар очилиб, тадбиркорларнинг, оддий халқнинг олқиш-у, раҳматлари янграган бўлса, бугун Наманганда одамларнинг яшаб турган уйларини бузиш ва бузиладиган уйлар ўрнида сити лойиҳасини барпо қилиш билан боғлиқ ишлар тўхтатилди. Вилоятнинг янги раҳбари лойиҳага рамзий қизил крест қўйди. "Наманган сити" аҳоли яшамайдиган, шаҳар ҳудудига киритилган бошқа манзилда барпо этилади. Кеча ва бугун юз берган воқеаларни кўриб, беихтиёр, халқ томон юриш бошланган 2016 йил сентябрь-декабрь ойлари эсга тушади. Ҳокимиятлар алмашиниб турса, хатолар тан олиниши осонроқ юз беради.