​​Жо Байден - АҚШнинг кейинги президенти Жоржия штатида 98% овозлар ҳисоблаб чиқилган бир пайтда Демократлар партиясидан номзод Жо Байден амалдаги президент Дональд Трампдан ўтиб кетди ва айни пайтда ўзи олдинда бўлган барча штатларни (жумладан Аризона ва Невада) қўшиб ҳисоблаганда 286 та катта сайловчининг овозини олиши эҳтимоли юқори. Шунингдек, АҚШда бугунги жума кунининг охиригача Пенсильвания штатида ҳам Жо Байден етакчиликка ўтиши кутилмоқда. Ушбу штатнинг 20 та овози қўшилиб, Байденнинг умумий овозлари сони 306 тага етади - Трамп эса Альяска ва Шимолий Каролинада ғалаба қозониб, жами 232 та овоз олиши кутилмоқда. Трампнинг чақириқларига қарамай сайловларга масъуллар ҳар бир овозни санаб бўлмасдан натижани эълон қилишга шошилмаяпти. Албатта, Трамп жамоаси аллақачон Байден кичик учтунлик билан ғалаба қозонган ва қозонаётган штатларда овоз санаш жараёнини судга бериш ва қайта санатишга уринишларни бошлаб юборган. Бироқ бу масалада амалдаги президент муваффақиятга эришиш имконияти юқори баҳоланмаяпти. Зеро, бу Америка - ҳамма нарса ким бўлишидан қатъи назар бир шахснинг эмас, шаклланган институтлар ихтиёрида бўлган мамлакат. @tashqaridaUZ