Post Scriptum Идеалда, агар Махсус комиссия ростанам Ўзбекистонга келувчиларнинг комфорти ва мамлакатдаги эпидемиологик вазиятни ўйлаганида, қарор тахминан бундай бўлиши лозим эди: 1) Мамлакатга келувчиларнинг 3 кун давомида амал қилувчи ПЦР тестлари бўлмаса ёки олинган ПЦР тестларнинг муддати ЎЗбекистон чегарасига етиб келгунча ўтиб қолган бўлса, улар учун чегара постларида пуллик экспресс-тестлар ташкил этилади. 2) Ҳар бир чегара пунктида Экспресс-тестлар ўтказувчи тиббиёт муассасалари номи сифат-нарх принципларига кўра конкурс асосида аниқлангунча, ушбу хизмат санитария-эпидемиология назорати томонидан бепул кўрсатилади. 3) Биз Ўзбекистонга келаётганингиздан мамнунмиз ва ташрифингиз кўнгилли ўтишини истаймиз. Афсуски, бу янги Ўзбекистонда амалга ошиши мумкин бўлмаган рўё холос. @the_bakiroo