"Экспресс тест" орқали пул ишлаш. Аввалги қисмларда Ўзбекистон аэропортларида ПЗР тестининг манфий натижаси тўғрисида маълумотномага эга шахслардан ҳам экспресс тест талаб қилиниши восвоси биринчи марта рўй бераётгани йўқ. На Конституцияда, на қонунларда ваколати кўрсатилган, дунёнинг ҳеч бир мамлакатида аналоги йўқ Махсус комиссия аввал ҳам, масалан 2020 йил 25 декабрдан Ўзбекистонга кириб келаётган шахслардан коронавирус инфекцияси антигенини аниқлаш экспресс тестини олиш тартибини жорий қилган. Ўшанда экспресс тест олиш ҳуқуқи ҳеч бир танлов ё конкурссиз «Тиббиёт дунёси» МЧЖга топширилган эди. «Тиббиёт дунёси» МЧЖ эса аввалроқ Санитария-эпидемиология осойишталик агентлиги директори – Ўзбекистоннинг Бош давлат санитария врачи сифатида ишлаб келган Баҳром Алматовга аффилланган бўлган. Махсус Комиссия аэропортдан кириб келувчи йўловчилардан ПЗР манфий тест натижасини талаб қилиши баробарида нега экспресс тест олинаётганини асослантириб, изоҳламаган. Бирон марта. Аэропортларда Экспресс тест олиш тартиби фақат 2021 йил 15 мартга келибгина бекор қилинган (бу пайтга келиб, ўзбекистонликлар ва меҳмонларни қақшатиш ва чўнтагини шилиш эвазига етарлича пул ишлаб олишган бўлишса керак). Лекин ЎЗбекистонга қуруқлик орқали кириб келаётган шахслардан ПЗР тестининг манфий натижаси тўғрисида маълумотномага эга шахслардан ҳам экспресс тест олиниши давом этиб келаётганди. ОАВ бу масалада янги тайинланган ва умидли дея баҳо берилган Беҳзод Мусаевдан рационал қарор кутганди. Назаримизда, ўзбек чиновникларидан, у ким бўлишидан қатъий назар рационал қарор кутиб бўлмайди.