Бугун селекторда 2020 йил якуни бўйича экспорт 15 млрд.долларни ташкил этиши айтилди. Ўтган 11 ойда расмий экспорт ҳажми (Қирғизистон ва Тожикистонга экспорт ҳажмига қўшиб ёзишларга кўз юмиб турилса) 14,2 млрд.долларни ташкил этган. Олтин сотилмаган ойларда экспорт ҳажми тан олинмаган қўшиб ёзишлар билан ўртача 0,8 млрд.доллар атрофида қайд этилади. Демак, инобатга олиш мумкинки, декабрь ойида катта эҳтимол билан олтин сотилмайди. Ташқи савдо салбий сальдоси эса йил якуни бўйича 6 млрд.долларга яқинлашади. Тегишли кутилма ва оқибатлари билан.