Ucell ўтказган акцияда техник носозлик сабаб 30 сентябрдан 5 октябргача тизим ишламай қолади ва бу вақт ичида 337 975 нафар абонент жами 97,4 млн сўм зарар кўради. Аммо Ucell 6 октябрдан 9 октябргача бўлган муддатда ечиб олинган маблағларни ўз эгаларига қайтариб берган. Истеъмолчилар ҳуқуқларини ҳимоя қилиш агентлиги эса Ucell абонентларига келтирган моддий зарарни агентликнинг талабидан кейин қайтариб берганини айтибди. Агентлик, аслида, бу муаммо ҳақда 6 ноябрь куни – Ucell агентликнинг сўров хатига жавоб қайтарганда билган. Хўш, шунақада Ucell'нинг ўзи аллақачон ҳал этган муаммосини агентлик "биз ҳал қилиб бердик" демоқчи бўлганми?