Нега Ўзбекистонда ID-карталарни расмийлаштириш каррасига қиммат? Янги йилнинг биринчи иш кунидан ўзбекистонликлар учун ички паспорт ва шахсий идентификация вазифасини ўтайдиган ID-карталарни расмийлаштириш мумкин бўлади. Паспорт учун тўланадиган давлат божи, базавий ҳисоб бирлигининг 89%и, ёки 198 470 сўмни ташкил этиши маълум қилинди. Бугунги кун курси билан 18,95 долларни ташкил этади. Албатта, базавий ҳисоб бирлиги ошиши билан паспорт учун давлат божи ҳам ошиб боради. Масалан, Қирғизистонда ID-карта учун давлат божи йўқ, лекин картани расмийлаштириш хизматлари учун 470 сом ёки 5,74 доллар тўланади. Украинада вояга етганлар учун биринчи марта ID-карта берилиши текин, қолганларга эса эса карта 345 гривнага тушади. Бу 12,15 доллар дегани. Грузияда ID-карта учун 40 лари ёки 12,20 доллар тўланади. Ҳатто Евроиттифоқ аъзоси Латвияда ID-карта расмийлаштириш харажати 14,23 евро ёки 17 долларга айланади. Ўзбекистонда ID-карталарни Ягона умумреспублика процессинг маркази (ЕОПЦ) ва Германиянинг «Veridos GmbН» ҳамкорлигида тузилган компания ишлаб чиқаради. Бу номи ҳеч бир жойда айтилмайдиган компания бўйича махсус қарор ҳам чиқарилган. Қарорга кўра, ID-карталарни чиқарадиган ушбу компания 2021 йил 1 июлга қадар барча солиқлардан ва божхона тўловларидан озод этилган. 35 млн.га яқинлашаётган ўзбекистонликларни ID-карта билан қамраб олиш кўламининг ўзи 700 млн.долларга етади. ID-картадан ташқари ҳайдовчилик гувоҳномалари, техпаспортлар, транспорт карталарини сананг. Э-ҳҳэ, дейсиз. Нақ Клондайк. Яна олинган суперфойданинг «Veridos GmbН»га тегишли қисми Германияга чиқиб кетади. Шунча солиқ, бож ва бошқа имтиёзларга эга бўлган компания ишлаб чиқарадиган ID-карта учун божлар нега шунчалар қиммат? Дунёнинг энг қашшоқ 40 давлати қаторига кирувчи Ўзбекистонда ID-карта расмийлаштириш нархини Латвия, Украина, Грузия ва Қирғизистондан қимматроқ қилишдан мақсад ўзбекистонликларни янада қашшоқлаштиришми ёки қисқа муддатда миллиардларни ишлаб олиш? P.S. ID-карта бўйича «Veridos GmbН» билан лойиҳа амалга ошмаган, карталарни бошқа компания ишлаб чиқармоқда дейишмоқда билгичлар. Унда савол янаям қизиқ: нега ҳукуматнинг тегишли қарорига ўзгартиришлар киритилмаган? ID-карталарни қайси мистер икс компания тайёрламоқда? Бу бўйича ҳукумат қарори борми, бор бўлса, эълон қилинганми? @the_bakiroo