Ортиқча электр қувватидан фойдаланилганида ўчган свет энергетиклар айтаетганидек, 15 минутда автомат ёнадими? Энергетика вазирлиги электр ускуналаридан ортиқча фойдаланганда автоматик тарзда ўчириб қўйиш амалиёти вақтинча тўхтатилганини билдирмоқда. Шу билан бирга, истеъмолчи ортиқча ускуналарни ўчириб, кучланишни белгиланган меъёрдан камайтирса, ҳисоблагич узоғи билан 15 дақиқа ичида автоматик равишда ёниши иддао қилинмоқда. Амалиётда аслида нима бўлаётганини видеода кўришингиз мумкин. Икки ой аввал Давлат раҳбари ақлли дейилган ҳисоблагичлар ўрнатилгани билан, 170 мингдан зиёд абонентларнинг автоматлашган тизим билан алоқаси йўқлигини танқид қилган эди. Бу муаммо ҳам ҳалигача ечилгани йўқ. Ақлли деб ўрнатилган счетчиклар шунчаки каррасига қимматлаштирилган ақли ярим счетчиклар бўлиб чиқди.