​Пойтахтбанкни сотиб олмоқчи бўлган Экспобанк АҚШ санкцион рўйхатига қўшилди Россиянинг энг йирик 40 банкидан бири бўлган Экспобанкка қарши қўшма штатларнинг санкцион режими ишга тушди. Россия Украинага бостириб киргач Экспобанк Россиядан кетаётган жуда кўп ғарб бизнес активларини арзонгаровга қўлга киритишни бошлаганди. Хусусан, охирги ойларда Экспобанк HSBC'нинг Россиядаги шўъба банкини сотиб олиш бўйича ҳукуматга буюртма ҳам берган. Экспобанкнинг Ўзбекистон банк бозорига кириш режалари ҳам йўқ эмасди. Россия Украинага бостириб кириши арафасида Давактив “Пойтахт банк” АЖни "хусусийлаштириш" юзасидан Экспобанк билан меморандум имзолашгаям улгурганди. Шукурки, кремль реваншизмига хизмат қиладиган банк олигархиясининг ўзбек банк тизимига суқилиб кириш режалари энди узил-кесил амалга ошмайди. Ўзбек банклари глобал санкцион мониторингга тушиб қолмаслик учун Экспобанк билан корреспондентлик алоқаларини ҳам узишлари керак бўлади.