​​Бутун республика бўйлаб электр таъминотида АСКУЭ (автоматическая система контроля учёта электроэнергии) — электр энергияси ҳисоб китобини назорат қилишнинг автоматлаштирилган тизими ўрнатилгани, энди ҳаммаси «чики-чики» эканлиги катта кабинетларда оғиз тўлдирилиб мақтанилиб, ҳаттоки қарздорликни ундиришда энди МИБга ҳам эҳтиёж қолмагани айтилди. Хўш, биб-бинойи ишлаб турган МИБнинг «бошига етган», мақталган АСКУЭжон амалда идеал шароитда қандай ишлаши керак ўзи? Ҳаммас оддий: айтайлик, светдан қарздорлигингиз бўлса — счётчик линиядан автоматик узиб юбориши, касса орқали нақд ёки PayME орқали ақча тўлаган заҳотингиз уйингизда свет лип этиб ёниши керак — айнан шунақа ваъда қилинган жаҳон бозорларида донаси 7 долларлик счётчиклар ўзимизга 100 доллардан келтириб ўрнатилганида. Амалда ҳеч ҳам унақа бўлмаяпти-да! АСКУЭ деб, нима гирдибалони обкелиб ўрнатишди, билмайман. Масалан, KUN.UZнинг Самарқанд шаҳрининг қоқ марказидаги ҳудудий офисида бугун счётчик 60 минг қарзга кириб кетганидан сўнг узилибди. (Балким, офис эгаси СМС орқали огоҳлантирилгандир, энди буёғини ўзи ва ёлғиз Аллоҳ билади). Хуллас, свет йўқ, офис эгасига айтдик: у Боғишамол энергосотиш кассасига бориб 200 минг тўлаб келди. (Тадбиркорлар тўловни PayME орқали амалга оширишининг имкони йўқ, карантин пайти именно бориб ўша сассиқ кассада тўланиши шарт, лозим ва лобуд!) Тўланди, майли. Тўлангандан кейин свет ёниши керак-ку?! Ҳэҳ! Ёнмайди! Ёниб кўрсин-чи! Бу сизга 7 долларлик оддий счётчикмас, донаси 100 АҚШ доллари турадиган АСКУЭ ва у аллақачон ўзбек бўлиб улгурган: қайсар, гапга тушунмайди, кетига тепилмаса ишламайди... Энди, биласизми нега бундай бўлаяпти?! АСКУЭ ҳеч қачон автомат узмайди токдан. ҲЕЧ ҚАЧОН!!! Унда қандай узиб ёқаяпти дерсиз? Иш ўзбекчасига ташкил қилинган: Электросетда ичкарида компьютерда битта хумпар ўтирибди, у қарздорларни текшириб чиқиб, қўлда битта-битта узиб чиқади ва шу иши учун ойлик олади. Бу-ку, осон иш. Лекин пулини тўлаганлар ҳам қўлда «қайта улаб» чиқилар экан! Бунинг учун бироз вақт ва фаросат талаб этилади. Қолаверса, олий маълумот тўғрисида диплом ҳам керак бўлса керак. Адашмаслик керак-да чунки. Энди айтинг: шартмиди бизга шунақа АСКУЭ?! Ахир буни ўрнатишдан мақсад — соҳада ўғирлик ва инсон омилини камайтириш, сарсонгарчиликни йўқотиш эмасмиди? Ўғрилик камайгандир, лекин халқнинг сарсонгарчилиги-чи?! Нима ҳам дердим: бизнинг калласи мешдай мешдай хумкаллалар йўқ жойдан халққа проблема яратишга уста! Керак бўлса, ўша ҳандалакдек каллага эга, АСКУЭни яратган карисларгаям дарс беради. Бизнинг юҳолар, акулалар шайтон алайҳлаънага дарс беради, карис ким бўпти!? Хуллас, светти ёқинглар, АСКУЭшунослар, иш қолиб кетаяпти… 👉 @shokirjonov