Эврилаётган Россия Тоталитар давлатларда ҳокимият сайлов йўли билан алмашмайди. Кўпинча режим эгаси ўлиши керак бўлади. Баъзида ҳокимият алмашувигача узун йўл қамоқ орқали ҳам ўтади. Россияда ҳаммаси шунга қараб кетаётгандек. Путин ҳокимиятдан кетиши учун ўлишидан кўра, аввал жиноятлари учун қамалиши лозимлиги ундан кейинги даврда бўладиган эркин ўзгаришларга кўпроқ умид беради. Шунинг учун бугун эркин ва ақл Россиясини тамсил этувчилар Путиннинг ўғри ва муттаҳам режимига қарши кўчада ва майдонларда: Владивосток Хабаровск, Чита, Иркутск, Красноярск... Бир неча соатлардан кейин Москва, Петербург қўшилади. Чунки 20 йиллик Путин диктатураси эволюцияси мамлакатнинг бугуни ва эртасини сайловлар орқали, парламентда, жамоатчилик билан мулоқотда, Конституция ва қонун талаблари доирасида ўзгартириш имкониятларини йўққа чиқарган. Улуғ ва азамат Россия ўт қўйилган ер қиёфасида. Мўъжиза бир кунда рўй бермайди, лекин Россия албатта озод бўлади.