Хоҳишлар доирасида хусусийлаштириш учун қулай вақт Ҳамма ўзи билан ўзи овора қилиб қўйилган. Яшаш учун, тириклик учун амал-тақал қилиб кун кўрилмоқда. Кимки, савол берадиганлар ва бўлиб ўтаётган воқеликлар маъносини тушунадиганлар ва оқибатини кўрадиганлар вилоятларга, маҳаллаларга, кўчаларга, хонадонларга бадарға этилган. Фикрлаш маркази пойтахт - бўм-бўш! Ўзгача фикр, у қандай янграшидан қатъий назар, сиёсатни тушунмаслик ва хиёнатга тенглаштирилиши мумкин. Ими-жимида ва тезкорлик билан хусусийлаштириш учун бундан қулай вақт бўладими?