Бир триллионлик иккиюзламачилик Солиқ қўмитаси тадбиркорларни қон қақшатиб, емаган сомсаси учун қарийб бир триллион сўмни қоқиштирмоқчи бўлаётган вақтда, жаноб Кудбиевга Ўзавтомоторсдан 2020 йил давомида қарийб бир триллион сўм ундирилмаганини эслатиб қўймоқчиман. Маълумот учун: Ўзавтомоторс АЖ 2019 йил 1 октябрдан буён автомашина нархи ичида олинган 3 фоизлик йиғимни автомашина харидорларидан олиб, бюджетга ўтказиб бермай келмоқда. Солиқчилардан ғинг деган товуш чиқмади шу кунгача. Нима Кудбиев ва ко' солиқ маъмурчилиги ҳақини талаб қилаётган, лекин ҳимоячиси йўқ ўрта ва майда тадбиркорларга етади, Ўзавтомоторсга келганда четга чиқиб турадими?