Арманистонда сиёсий кризис. Яна Россия фактори Феврал ойининг ўзида Кавказда иккинчи мамлакатда сиёсий вазият беқарорлаштирилаяпти. Грузияда Никанор Мелиянинг қамоққа олиниши ортидан юз бераётган сиёсий кескинликлардан хабарингиз бор. Бугун тонгдан энди Арманистондаги сиёсий вазият қалтислашмоқда. Қизиғи, бу сафар ҳам бўлиб ўтаётган воқеаларда Грузиядаги каби Россия факторининг ўрни бор. Ислоҳотчи бош вазир Никол Пашинян Россиянинг "Искандер" комплекси самарасизлиги бўйича баёнотлар берган. Бунга жавобан Арманистон қуролли кучлари бош штаби раҳбари ўринбосари Тиран Хачатрян бош вазирни масхаралашга ўтган. Бош штаб генерали вазифасидан олинган. Кейинроқ Бош штаб Пашиняннинг истеъфосини талаб қилиб баёнот берган. Собиқ президентлар Кочарян ва Саргисян, уларнинг иккиси ҳам россияпараст, Пашинян истеъфосини қўллаб-қувватламоқда. Кремль расман ўзини бетарафларча тутмоқда. Лекин арман ҳарбийларининг баёнотлари федерал пропаганда каналлари орқали муттасил узатиб турилганига қараганда, Кремль қўллови ким тарафда эканини сезмаслик мумкин эмас. Маълумот учун, постсовет ҳудудидаги ҳар қандай ислоҳот йўлини тутган мамлакат ёки ислоҳотчи лидерларни Кремль хуш кўрмайди ва имкон қадар коррупционер ва авторитар элитани дастаклаб келади.