​Энг баланд стела қуриш мусобақаси бошландими? Бир неча йил аввал Марказий Осиё давлатларида энг баланд байроқ ўрнатиш мусобақаси бошланиб кетганди. Тожикистон бу мусобақада ҳамма истонларни бир тупуриб ортда қолдиргани эсингизда бўлса керак. 165 метр баландликдаги байроқ билан тожиклар туркманларниям (133 м), қозоқларниям (111 м), қирғизларниям (75 м) ва бизникиниям (65 м) ортда қолдирганди. Туркманистондан келаётган хабарларга қараганда, итлар ва отлар ҳомийси Туркманбоши иккинчи Ашхабатда 300 метрлик стела қуришга топшириқ берган. Стела мустақилликнинг 30 йиллигига тайёр бўлиши керак. Туркманбоши иккинчи шу билан истонлараро энг баланд флагштокка эга тожиклардан реванш олмоқчидир балки, ким билади дейсиз.