Бу эса ўта ёмон хабар Давлетовнинг Прокуратурага таяниб ёзишича, Тошкентда фуқаро 1В (биткоин) электрон пул бирлигини 49 670 АҚШ долларига баҳолаб, 0,45 биткоин электрон пул бирлигига ўзининг 5% устама фойдасини қўшиб ҳисоблаб, 0,45 (биткоин) электрон пул бирлигини келишилган “электрон ҳамён”га ўтказиб бериб, эвазига харидордан 23 400 АҚШ доллари ва 800 минг сўмни олган вақтида қўлга олинган. Биткоин олаётган ва сотаётган шахсга нисбатан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) ва 190-моддаси (фаолият билан лицензиясиз шуғулланиш) билан жиноят иши қўзғатилган. Амалдаги қонунчилигимизга кўра, криптовалюта сотиш мумкин, сотиб олиш эса мумкин эмас. Бу абсурд қоидалар. Янаям кулгулиси, криптовалютага эга Ўзбекистон фуқароси криптовалютасини фақат хорижликка сотиш мумкин. Криптовалютани қўлга киритмоқчи ўзбекистонлик агар криптовалютани қўлган киритмоқчи бўлса, уни фақат майнинг қилиши мумкин холос. Лекин қаерда, қандай қилиб, легал майдон мавжуд эмас. Ва умуман олганда, валюта операцияларига совет, кейин ўтган эпохадан қолган ёндашувлардан воз кечиш вақти аллақачон келган. Туркманистондан бошқа барча қўшни мамлакатларда ноқонуний валюта операциялари билан боғлиқ ҳуқуқбузарликлар маъмурий иш билан таснифланади, жиноий иш билан эмас. Ҳозирда ноқонуний деб ҳисобланаётган аксарият валюта ва криптовалюта операцияларининг ижтимоий хавфи, етказиши мумкин бўлган зарарлари қайтадан алоҳида ўйлаб, кўриб баҳо бериладиган ҳаракатлардир. Замон ўзгараяпти. Яримта биткоин учун жиноий иш қўзғатилиши ҳозирги Ўзбекистон учун жуда ёмон хабар. Мамлакат ва унинг имижига етказадиган зарари минглаб биткоинга тенг хабар. @the_bankiroff