Мустаҳкамланаётган сўм Доллар/сўм жуфтлиги йилни 10476,92 сўм билан бошлаганди. Агар бугунги савдолар бўйича ўртача тортилган курс эълон қилинса (соат 16:00гача), расмий курснинг эртага ва дам олиш кунлари 10470 сўм атрофида бўлишини билиб олишимиз мумкин. Яъни йил бошига нисбатан олинганда, кейинги ўн ҳафталикда сўм долларга нисбатан мустаҳкамланмоқда. Охирги марта сўмнинг долларга нисбатан мустаҳкамланиш ўнҳафталиги, адашмасам 2018 йил баҳори ва ёзида юз берганди. Албатта, йил бошидан бери долларнинг арзонлаётгани умумглобал тенденция, бозорга иштаҳа қайтиши ортидан доллар барча асосий валюталарга нисбатан қийматини йўқотиб бормоқда. Долларнинг арзонлашуви фонида нефтнинг қимматлаб бораётгани (+23%) нефть экспортчиси ҳисобланган мамлакатлар валютасини ҳам қўшимча қувватлаб турипти. Шу боис Навальнийнинг захарланиши билан боғлиқ Ғарбнинг қўшимча санкциялари ҳам, ҳатто анонс қилинган янги санкциялар ҳам Россия рублининг ҳолатига деярли таъсир кўрсата олмаяпти. Лекин ёмон хабарлар ҳам бор. Ўтган йил июндан буён биринчи марта бизнинг асосий экспорт товаримиз олтин котировкалари 1700 доллардан пастроқ баҳоланмоқда. Бу августдаги чўққидан 350-370 доллар ёки қарийб 22 фоизга пастроқ деганидир. P.S. эртадан 1 АҚШ долларининг расмий курси 10590,65 сўм. @the_bankiroff