Кечикаётган коррекция ҳақида АҚШ долларининг сўмга нисбатан расмий курси 10600 сўмлик маррадан ўтди ва 10601,54 сўмни ташкил этди. Йил бошидан ҳисоблаганда сўм АҚШ долларига нисбатан 1,19%га қадрсизланган. Маълум муддат, март-апрель ойларида сўм курси нафақат барқарорлашди, балки мустаҳкамланиш трендида ҳам турди. Шу маънода кейинги кунлардаги ўзгаришларни кечиккан коррекция, деб аташ тўғрироқ бўларди. Йил бошидан эмас, ўтган йилнинг шу даври билан солиштирсак, кечикиш суръати янаям аниқроқ намоён бўлади. Ўтган 1 йилда сўм АҚШ долларига нисбатан атига 4,66%га қадрини йўқотган холос. Қолаверса, бизнес фаолликнинг ошаётгани, импорт ҳажми нафақат тикланишни, ўсишни бошлагани ҳам курсга таъсир этувчи фундаменталь омилларни кун тартибига чиқармаслиги мумкин эмас. @the_bakiroo