Битирувчиларга чекманг дейман! Бугун мактабларда охирги қўнғироқ сабаб битирувчиларга турли эзгу тилаклар билдирилмоқда. Кимдир тил ўрганишни, яна кимдир касб танлашда адашмасликни ёки танқидий фикрлашни, табиатни севишни, садоқатни тиламоқда. Мен эса бугун мустақил ҳаётга кириб келаётган юзминглаб битирувчиларимизга чекламасликни, тамакидан имкон қадар узоқроқ бўлишни сўрайман. Бугунги глобал дунёда тамаки компанияларининг энг асосий муаммоси ўзларига янги мижозларни қамраб олиш билан боғлиқ. Шунинг учун улар асосий эътиборни 18-20 ёшли йигит-қизларга қаратишади. Чунки айни шу ёшда чекишни бошлаганлар бутун умр тамаки компанияларининг мижозига айланадилар. Бошқача айтганда сизларнинг энг катта бойлигингизни умрингизнинг охиригача сўриб олишга ҳаракатга айни шу вақтда қўл урилади. Чекиш романтика эмас! Чекиш сиз рўпара бўладиган муаммоларни ечиб бермайди! Чекиш ҳаётингизни ўғирлайди, ҳар куни ва умрингизнинг охиригача! Чекиш ихтиёрингиз ва имкониятларингизни сиздан тортиб олади. Шундай экан, чекманг, тамакидан узоқ бўлинг ва қолган ҳаммаси ўз қўлингизда бўлади! @the_bakiroo