Роскомпозор Россияда коммуникациялар, ахборот технологиялари назорати бўйича федерал орган бор. Номи Роскомнадзор. Ушбу орган бутун фаолияти мазмуни бўйича цензура, чеклаш ва тақиқлашдан иборат. Йилига бир неч ўн миллиард рубль маблағ шу йўналишда сарфланади. Роскомнадзор бир неча кундан буён Твиттернинг рус сегментидаги ўчириш таалаб қилинган маълумотларни ўчирмагани учун 10 мартдан бошлаб ижтимоий тармоқни секинлаштириш чоралари ва санкцияларияни қўллай бошлади. Буни қарангки, Роскомнадзор кўрган чоралар оқибатида твиттер секинлашгани йўқ, лекин федерал органларнинг сайтлари, онлайн давлат хизматлари платформалари ишдан чиққан. Роскомнадзорнинг қилмишидан банклар ҳам жавр кўрмай қолмаган. Ўнлаб банкларнинг мижозлари онлайн ва мобил иловалар ишламаётганидан шикоят қилишмоқда. Эрталабдан бери давом этаётган бузғунчилик операцияси Россия иқтисодиётига неча миллиард зарар келтиргани ҳали тўла баҳолангании йўқ. Умуман олганда, Назорат ташкилотидан Шарманда органига айланиш, қайсидир хатони такрорламаслик учун шу хатони қилиб кўриш шарт эмас, биз каби мамлакатларга Россия каби учинчи дунё маконига айланаётганларнинг зарарли тажрибаси ҳам кифоя қилиши етарли. Бугунги Россияга эргашадиган жойимиз ҳам, ўрганадиган жойимиз ҳам йўқ. Бугунги Россиянинг технологияларда ва бошқарув моделларида бизга нисбатан устунлик позицияси мавжуд эмас. Ҳатто уларнинг бугун қилаётганини қилмасликнинг ўзи бизга тараққиётни кафолатлайди. @the_bankiroff