Компромисс, лекин чидаса бўладиган қарор Эсингизда бўлса, бир ҳафта аввалги селекторда жаноб Раматов цементни ишлаб чиқарувчилардан тўғридан-тўғри сотиб олишга рухсат беришни сўраганди. Бу таклиф худо кўрсатмасин, агар амалга ошганида қандай зарарли (кимлар учундир жуда фойдали) оқибатларга олиб келган бўлишини, бусиз ҳам цемент нархи билан боғлиқ кутилаётган мураккаб мавжуд вазиятни янада чигаллаштириши мумкинлигини ўша куни тушунганлар тушунди. Фармонда бу бўйича компромисс чора қўлланилгандек, хусусан уй-жой қурувчи ташкилотлар учун мўлжалланган цемент ҳамда металл прокати бўйича алоҳида биржа савдо секцияси жорий қилиниши белгиланган. Албатта айрим қатнашчилар учун алоҳида секция ташкил этилиши қолган иштирокчилар учун унча рационал қарор эмас, лекин Раматов таклиф қилган вариантдан кўра оқибатига чидаса бўладиган компромисс бу.