Икки қадам орқага олға! Токи давлат банкини самарали эгасига сотмагунича, ўзининг маъмурий тасарруфидан тўлиқ чиқармагунича, банкнинг самарасизлиги, активларнинг сифатсизлиги, хатарларнинг баҳоланмаслиги, менежментнинг ҳукуматнинг босимларига қарамлиги сақланиб қолаверади. Демак, давлат банкининг капиталига киритилган ҳар бир сўм давлат банкининг нархини қимматлаштирмайди, қайтанга арзонлаштиради, чунки бу банкларнинг капиталига киритилаётган маблағлар янада сифатсиз активларнинг шаклланишига замин яратади. Солиқ тўловчиларнинг навбатдаги 1,3 трлн.сўм маблағининг ҳавога ёки қора туйнукка совурилишидан ўзга иш эмас. Маълумот учун, 2020 йилни Агробанк 4,7%, Микрокредитбанк 5,8%, Халқ банки 10,4%лик капитал рентабеллиги билан якунлаган, яъни устав капиталига қўшимча 1,3 трлн.сўм киритилаётган банкларнинг рентабеллиги ҳатто расмий инфляция даражасига ҳам етиб бормаган.