Тошкент ва Москва ўртасидаги рейс учун чипта нархи 4,2 миллион сўм? Тошкент - Москва - Тошкент йўналиши бўйича мунтазам авиақатновлар тикланганидан хабарингиз бор. Миллий монопол авиакомпания ахборот хизматига таяниб ёзилишича, Тошкент ва Москва ўртасидаги рейс учун чипта нархи 4,2 миллион сўмдан ошмайди. Тавсия этилганидек, авиакомпания сайти орқали чипта харид қилишга уриниб кўрсангиз, апрель ойига ҳам, майга ҳам чипта йўқлигига гувоҳ бўлишингиз мумкин. Айни дақиқаларда чипта сотиб олиш мумкин бўлган энг яқин сана 12 июнда! Ва таклиф этилаётган мавжуд чипта нархи 10 375 378 сўм. Эконом классидаги чипта олиш мумкин бўлган энг яқин сана - 3 июль.