Яхши хабарлар ҳам бор Кеча эмлаш суръати 46000дан ошган. Агар кечаги темп сақланса, мўлжалдаги кўрсаткич - 7 миллион ўзбекистонлик 1- дозани олиши учун 137 кун керак бўлади, яъни сентябрнинг ўрталарига дастлабки вазифани уддалаш мумкин. Ҳозирча, 2- дозани (ZF-UZ-VAC2001 ўзбек-хитой вакцинаси бўйича доза 3та) олганлар статистикаси очиқланаётгани йўқ. Кечадан Спутник V вакцинаси ҳам қўлланила бошлаган кўринади. Айтишларича, мазкур вакцинани қарияларга қилишмоқда. Буям яхшиликка. Табиийки, қариялар ўрис вакцинасига кўпроқ муҳаббат қўйган. Дарвоқе, вакциналаш бўйича етакчи Фарғона бўлиб турипти. Эмланаётганларнинг ҳар олтитадан биттаси Фарғонадан. Кўп бор таъкидлаётганимиздек, бу йил давлатнинг қудрати ва сифати вакциналаш тезлиги ва қамроғига боғлиқ бўлади. Шу маънода Фарғона вилояти маъмурияти ҳозирча маладес.