Ўзбекистонда ўтган уч ойда парранда сони 6 млн бошга камайган Статистика қўмитаси маълумотига кўра, 2021 йил 1 апрель ҳолатига мамлакатда 84,1 млн.бош паррандалар бўлган. 2021 йилнинг 1 январь ҳолатига республикамизда 90,1 млн. бош паррандалар мавжудлиги қайд этилган эди. Яъни, ўтган уч ойда Ўзбекистонда парранда боши 7,1%га ёки 6 млн.бошга камайган. Парранда бошининг энг катта қисқариши асосий паррандачилик ҳудудлари - Тошкент вилояти (-2 млн) ва Самарқанд вилояти (-1,9 млн) ҳиссасига тўғри келади. Тўрт йилдан буён оммавий товуқбоқарлик орқали камбағалликни қисқартиришга уринаётган мамлакатда бундай жиддий қисқариш қайси омил ёки сабаблар туфайли рўй бергани очиқланмаган.