Тухум экспорти парранда сони камайиб кетаётгани баҳонасида тўхтатилганди. Лекин парранда бош сони охирги уч ойда 3,5 миллионга кўпайган Эсингизда бўлса, 2021 йил охирида тўсатдан тухум экспортига тақиқ қўйилган эди. Сабаблардан бири ўлароқ паррандалар сони умумий ҳисобда 1 миллиондан ортиқ миқдорга камайгани кўрсатилган. Ўтган ҳафта эълон қилинган расмий статистикага кўра, 2022 йил 1 январь ҳолатига паррандалар бош сони 89 734,4 мингга етган. Бу 1 октябрдаги статистикага нисбатан 3,5 миллион бошга кўп. Эътиборлиси, 2021 йилда тухум етиштириш ҳам 3,5%га кўпайган ва 8 053,1 миллион донага етган. Етиштирилган тухумнинг энг кўп қисми, яъни 31%идан зиёди ёки 2 503,2 миллион донаси айнан тухум экспорти чекланган охирги чоракка тўғри келади. Демак, парранда сони ҳам камаймаган. Тухум ишлаб чиқариш ҳам кўпайган. Унда тухум экспортига тақиқ нима учун? Айтгандай, тухум нархи жуда ошиб кетди, дейилган декабрь ойида тухум 0,3%га арзонлашган, бутун 2021 йил давомида эса тухум атига 1,4%га қимматлаган. Балки юқорида расмий статистикадан ташқари алоҳида хос, ёпиқ ахборотлар бордир? Балки тухум экспортини чеклаганлар расмий статистикага умуман ишонишмас. Балки расмий статистикага ишонишда давом этаётган бизга ўхшаганлардадир муаммо. Ким билади дейсиз. @the_bakiroo