Чилонзордаги айрим автомашина ювиш шоҳобчаларида нигериялик йигитлар хизмат кўрсатишни бошлапти. Кўринишидан спорт билан шуғулланган, чайир йигитлар. Балки футбол ўйнаш учун келиб, футбол жамоаларига жойлаша олмаган, ўртамчи агентларнинг осмон ваъдаларига ишониб келиб қолганлардир. Бу мижозларни жалб қилиш воситасими ёки нигерияликлар ўзбекистонликлардан арзонроқ ишчи кучи-ми, тушуниш қийин. Иш юритувчилар нигерияликлар ювган машиналар учун ҳам, ўзбекистонликлар ювган машиналар учун ҳам бир хил ҳақ олишмоқда.