Оммавий савдоларга қўйилган йирик активларга талабгорлар пайдо бўлмоқда Оммавий савдоларга чиқарилган йирик активларнинг 6 таси бўйича жами 16 та таклиф келиб тушган. Жумладан, “Малика” савдо мажмуаси, “Ичан қалъа” меҳмонхонаси ва “Қизил сув спорт соғломлаштириш” МЧЖ бўйича 2 та, “Пойтахт бизнес мажмуаси” МЧЖ мулкий мажмуаси ҳамда “Марказий бино ҳудуди” (ДХХнинг собиқ биноси) бўйича 3 та, Газеталар ишлаб чиқариш мажмуаси биноси бўйича 4 та талабгордан сотиб олиш бўйича таклифлар келиб тушган. Кўраяпмизки, истак ва ирода бўлса кифоя, давлат активларини фақат кабинетга яқинларга ноль қийматда бериш ёки жиноий шерикларга ишончли бошқарувга топшириб юбориш эмас, сотиш, сотгандаям яхшигина пулга сотиш мумкин. Хусусийлаштиришнинг яна бир муҳим функцияси борки, кўпинча эътибор қаратилмайди. Хусусийлаштириш агар сифатли амалга оширилса, солиқ юкламасини пасайтириб туриш имкониятини беради. Реклама