Совет ва ўзбек автомобилсозлигининг ўхшашликлари Ўзбекистон Совет иттифоқининг жуда кўп ўлчов ва механизмларини ўзида сақлаб қолган мамлакат. Қизиғи шундаки, бунда советларнинг энг қолоқ ва зарарли реалликлари янаям кўпроқ ўзлаштирилган ва улар энг тубигача ибтидоийлаштирилган. Автомобилсозлик мана шулардан бири. Советларда ҳам Ўзбекистонда ҳам автомобиль ҳаракатланиш воситаси эмас, юқори ҳашамат ва жамиятдаги ўрин белгиловчи қадрият ўлароқ кўрилган ва кўрилмоқда. Советлар айни бир автомашина моделини ўнйиллар давомида ишлаб чиқарган. Айни шу ҳолат совет автомобилсозлиги қолоқлиги, қолган дунёдан ортда қолишини ва технологик эскиришини таъминлаб берган. Ўзбекистон бу масалада советларни бир тупуриб ортда қолдириб кетган. Масалан, Дамас 25 йилдан буён ишлаб чиқарилади. Damas Blueline афишасига қараганда Дамас ишлаб чиқариш яна давом этади, балки 2035 йилларга бориб Дамас электромобилларни ҳам кўрармиз. Нексия 20 йил ишлаб чиқарилган, Киборлар танлови Ласетти 17 йилдан буён ишлаб чиқарилади. Автомашина сотиб олиш учун совет кишилари ойлаб, йиллаб кутган. Ўзбеклар бу анъанадан ҳалигача воз кеча олишгани йўқ. Автомашина учун тўлов қилиб, унинг салондан чиқишини кутиш миллий спорт турига айланган. Советларда минилган машина янгисидан қиммат турган, Ўзбекистонда 2018 йилгача шундай эди, орада бир муддат танаффусдан кейин яна шу анъана тикланмоқда. @the_bakiroo