Олтинсиз экспорт ва жами импорт ҳажми тикланмоқда Январь- апрель ойларида олтинсиз экспорт 26,7%га, жами импорт эса 7%га ўсган. Лекин ташқи савдо тўлиқ тикланди, дейишга ҳали эрта, чунки коронакризисдан олдинги, яъни 2019 йилнинг мос даври кўрсаткичларигача етиб борилмаган. 2021 йилнинг тўрт ойида жами экспорт 3 482 млн.долларга, импорт эса 6 840,4 млн.долларга етган. Ташқи савдонинг салбий сальдоси тегишли давр учун кейинги йиллардаги рекорд даража - 3 358,4 млн. долларни ташкил этган. Экспорт таркибида текстиль маҳсулотларининг экспорти энг муҳим гуруҳлигича қолмоқда. Кейинги ўринда эса рангли металлар (кўпроқ мис). Рангли металлар экспорти деярли 2 баробарга ўсган. Автомобиллар экспорти ҳам юқори суръатларда ошаётганлигини қайд этиш жоиз. Яна бир хурсанд қиладигани экспорт ҳамкорларимиз орасидаТуркия Россияни ортда қолдириб 2- ўринга чиқиб олган. Импорт таркибида энг асосий товар гуруҳи - озиқ овқатлар бўлиб қолмоқда. Ўтган 4 ойда 700 млн.доллардан ортиқ суммада озиқ-овқат импорт қилинган. Нефть ва нефть маҳсулотлари импорти эса бироз камайган. Импорт ҳажми камайиши автомобиллар ва улранинг эҳтиёт қисмлари гуруҳларида ҳам кузатилган. Дарвоқе, 2020 йилнинг 4 ойи ташқи савдо статистикасининг ўтган йили эълон қилинган ва бу йилги эълон қилинган маълумотлар ўртасида фарқлар бор. Масалан, 2020 йилнинг январь-апрель ойларида импорт ҳажми 6 406,3 млн.доллар, экспорт эса 4 416,9 млн.доллар деб эълон қилинганди. Бу йилги маълумотларда эса мос равишда 6 395,6 млн.доллар ва 4 306,6 млн.доллар, деб кўрсатилган. Балки кейинроқ аниқлаштирувчи корректировкалар қилинган бўлиши мумкин. @the_bakiroo