Олтин ҳисобисиз экспорт тикланмоқда Коронавирус эпидемияси бошлангандан кейин ўтган давр мобайнида илк марта олтин ҳисобисиз экспорт ҳажми ўтган йилнинг тегишли даврига нисбатан ўсишни қайд этган. Табиийки, март ойида ҳам олтин экспорти қайд этилмаган (мартда олтин нархларининг қарийб 9 ойлик минимумлари кузатилган). Январь-март ойларида 2 398,1 млн.долларлик экспорт қайд этилган. Бу ўтган йилнинг тегишли даврига нисбатан 140 млн.долларга кўпроқдир. Экспорт ҳажмининг тикланишида тўқимачилик маҳсулотлари алоҳида ўрин тутган. Импорт ҳажми ҳам, гарчи ўтган йилнинг тегишли даври кўрсаткичларига етмаган бўлса-да, тикланишда давом этган ва 4 707,0 млн.долларни ташкил этган. Импорт таркибида озиқ-овқат маҳсулотлари импортининг кескин ўсаётгани кузатилмоқда. Албатта бу бир жиҳатдан озиқ-овқат нархларини ошиб бораётгани билан ҳам боғлиқ. Энг йирик тўртта савдо ҳамкоримиз - Хитой, Россия, Қозоғистон ва Туркия билан ташқи савдо айланмаси ўтган йилнинг тегишли даври кўрсаткичларидан ошган. Ташқи савдо салбий сальдоси ўсишда давом этган ва 2,3 млрд.доллардан ошиб кетган.