Янаям кўпроқ ва кенгроқ маълумот керак Давлат активларини бошқариш агентлиги қатор йирик кўчмас мулк объектлари бўйича савдо ғолибларини эълон қилди. Масалан, пойтахтнинг қоқ марказида 2 гектар майдонни эгаллаган ДХХнинг собиқ биноси 210 млрд.сўмга, бир қадам наридаги қарийб 2 гектар майдонда жойлашган «Газеталар ишлаб чиқариш мажмуаси биноси» 78 млрд.сўмга сотилгани маълум қилинган. Савдо ғолиблари маълум. Оммавий савдоларда қатнашганларнинг рўйхати, ғолибларнинг юрисдикциялари, асл бенефициарлари, объектлар учун тўлов манбалари, шакли ва усуллари ҳам эълон қилиб борилса жараёнга нисбатан жамоатчиликнинг эътибори ва айниқса ишончи янаям ортган бўларди.