Вазифа - мувозанатни таъминлаш Асосий ставка бўйича регулятор қарорининг расмий релизи эълон қилинди. "Охирги ойларда инфляцияни оширувчи омиллар вазнининг нисбатан юқори бўлаётганлигини кўрсатиб, инфляцион жараёнларни жиловлашга қаратилган тизимли чораларни жадаллаштиришни талаб этмоқда". "Келгуси ойларда фискаль рағбатлантиришлар ҳажмининг ошиши, истеъмол ва инвестицион талаб ҳажми ўсиш суръатларига нисбатан ялпи таклиф ўзгаришининг номутаносиб бўлиши маълум бир инфляцион босимларни келтириб чиқариши мумкин". Ўзимиздан қўшиб айтсак, сайловлар йилида ҳар қандай давлатда инфляцияни кучайтирадиган қарор ва ҳаракатлар кўп авж олади, инфляцияни жиловлаш ҳар қачонгидан ҳам кўпроқ мураккаблашади.