Тест сони кўпроқ ахборот ташиши ҳақида Грузияда коронавирус статистикаси амалга оширилган тестлар сонини ҳам ўзи ичига олган. Масалан, кеча 27956та тест олинган. Шу рақам ичида биз ҳам бормиз. Мамлакатга кирган хорижлик 3 кун ичида тест топширишга мажбур. 914та шикастланиш аниқланган. Шукр, бизнинг тест манфий чиққан. Тест натижасини кўтариб юриш шартмас, маълумотлар Ягона базага киритилган. Бир кун аввал эса 11059та тест олинган. 260та касал аниқланган. Шунинг учун касалланганлар сони эмас, тест сони ва унда касалланганлар улуши муҳимроқ кўрсаткич ҳисобланади. Масалан, Ўзбекистонда кеча 395та касал, ўтган куни эса 427та касал аниқлангани эълон қилинди. Аҳвол яхшиланаяптими ёки акси, бизга номаълум, чунки расмий шикастланишлар қанча тест ўтказилгани натижаси эканини билмаймиз. Айни кунларда коронавирус билан боғлиқ вазият Грузияда барқарор. Охирги 14 кунда ўтказилган тестларда аниқланган шикастланиш кўрсаткичи 2,5 фоиз атрофида қолмоқда. Шунинг учун масалан, 1 июлдан коммендантлик соатини бекор қилиш ҳам кўзда тутилган. Маълумот учун, шу кунларда тунги 23:00дан тонгги 04:00 гача коммендантлик соати амал қилмоқда. @the_bakiroo