Грузияга келаётган Ўзбекистонлик туристлар сони ортишда давом этмоқда 2021 йил июнь ойида ҳам ўзбекистонлик туристлар Грузияга ташриф буюраётган туристлар ТОП-10талигидан жой олишди. Бу учинчи ой кетма-кет юз бермоқда. Грузия статистикасига кўра, 2772 нафар ўзбекистонлик июнь ойида Грузияга ташриф буюрган, бу май ойига нисбатан 244, ўтган йилнинг июнига нисбатан эса қарийб уч баробар кўп дегани. Туристик оқимни тиклаб бораётган Грузияга июнь ойида жами 156 189 нафар хорижий турист келган, бу ўтган йил июнига нисбатан 4 баробар кўп, лекин коронакризисгача бўлган 2019 йилнинг июнига нисбатан деярли 6 баробар кам.