Хотираси қисқа бўлмаганлар учун эслатма Жиззах вилояти ҳокими Эргаш Солиевнинг қизи Наргиза Солиева эгалик қиладиган My Flower компанияси 2020 йил июнида Жиззах шаҳри марказий кўчаларига гул ва манзарали ўсимликлар экиш бўйича тендерда 1,9 млрд.сўмлик таклиф билан ғолиб чиққан. My Flower вилоятнинг «Ягона буюртмачи хизмати» инжиниринг компанияси томонидан 2020 йил февраль ва ноябрь ойларида ўтказилган, умумий қиймати 1,98 миллиард сўмлик танловларда ҳам ҳеч кимга нон қолдирмаган. Эътиборлиси, ушбу танловларда тендер комиссиясининг раиси ўша пайтда вилоят ҳокими ўринбосари Акрам Раҳмонқулов бўлган. Кейинчалик у бошқа - Жиззахда қулаган уй иши доирасида қурилиш билан боғлиқ махинациялар ортидан хиёнатда айбланиб ишдан олиниб, маҳкамага тортилган. Жиззах вилояти ҳокими қизининг "Гул иши" бўйича ишлари ёпиғлиқ қозон ёпиғлигича турсин қабилида қолавераган. Коррупцияга қарши курашиш агентлигининг бу бўйича сўровларининг оқибатлари жамоатчиликка маълум қилинмаган. Энди Жиззах, Наманган ва Андижон вилоятларининг маҳаллий ҳокимиятлар билан чатишиб кетган "гулчилари" давлат буюртмаларини ўзлаштиришда ўзларининг фаолиятларини "вазирлик" мақомида легитимлаштиришмоқчига ўхшайди.