Узоқ йиллардан буён биринчи марта аҳолининг миллий таркиби очиқланди Статистика қўмитаси 2021 йил 1 июль ҳолатига аҳолининг миллий таркибини очиқлади. Унга кўра жами аҳолининг 84,4 фоизини ўзбеклар ташкил этган. 1989 йилдаги Аҳоли рўйхати ва 2000 йилдаги Этник Атлас маълумотлари билан солиштирганда йирик этник гуруҳлар кетма-кетлигида ўзгаришлар бўлган. Мамлакатдаги иккинчи этник гуруҳ бўлган тожиклар жами аҳолининг 4,9%ини ташкил этмоқда. Қозоқ биродарларимизнинг улуши 2,4%дан иборат бўлган. Қорақалпоқ жигарларимизнинг улуши 2,2%га етган. Руслар 2,1% улуш билан мамлакатимизда бешинчи этник гуруҳга айланган. 1989 йилдаги Аҳоли рўйхатига кўра энг йирик бешта этник гуруҳ қуйидагича бўлган: ўзбеклар, руслар, тожиклар, қозоқлар ва татарлар. 2000 йилдаги Этник атлас энг йирик беш этник гуруҳларни қуйидагича тақсимлаган: ўзбеклар, руслар, тожиклар, қозоқлар ва қорақалпоқлар.