Орзуга айб йўқ Кеча бўлиб ўтган "Заковат" интеллектуал клубининг супер финал ўйинида Президентликка номзодлардан бири Шавкат Мирзиёев ҳам иштирок этди. Мамлакатнинг энг ақлли сайловчилари жамланган ушбу тадбирга Президентликка бошқа номзодлар нега қатнашмади, ҳайронман. Экваторидан ўтган Сайлов кампаниясида ғоя ва мақсадларни тарқатиш учун бундан бошқа аъло платформа топиш мумкин эмасди. Ҳа, айтгандай агар барча номзодлар шу ерга жам бўлганида дебатлар ўтказиш ҳам мумкин бўларди. Тасаввур қилинг, Президентликка номзодлар интеллектуалларнинг саволларига жавоб бермоқда. Яна ҳеч бир тайергарликсиз. Байден ва Трампнинг дебатлари ҳам, Олимпийский стадионида Порошенко ва Зеленский ўртасида ўтган дебатлар ҳам хом чайнаб қоларди. Нима бўлгандаям, кечаги шоудан кейин Заковатнинг қамрови энди ақл ўйинлари билан чекланмайди. Ҳозирча биринчи вазифа бажарилди холос.