Буғдой яна қимматламоқда Баҳорнинг охирида 310 долларгача қимматлаган, кейин ёзда 240 долларгача мўътадиллашган буғдой нархлари яна ошмоқда. Ўтган ҳафта охири ва шу ҳафтанинг бошида турли минтақавий платформаларда буғдойнинг тоннаси яна 340 долларгача қимматлаган. Асосий сабаб талабнинг ошиб бораётгани ва таклифнинг уни қондиришга улгурмаяётгани. Спекулятив сабаблар сифатида эса захираларнинг камайиб бораётгани бўйича статистика ва асосий экспортерлар Россия ва Канадада кутилаётганидан камроқ ҳосил олиниши тўғрисидаги прогнозлардир. Буғдой ва ун импорти бўйича асосий ҳамкоримиз Қозоғистонда ҳам ҳосил яхши бўлмаган. Йиғиб олинган дон ўтган йилги кўрсаткичлардан 20 фоизгача камлиги айтилмоқда.