Буғдой кескин арзонлашмоқда Украина донини экспорт қилиш бўйича "Ғалла келишуви" муддатининг узайтирилиши буғдой нархларини арзонлаштиришда давом этмоқда. Ўтган ҳафтанинг охирида буғдойнинг Европа биржаларидаги нархи 240 долларгача тушган бўлса, бугунги савдоларда 235 долларлик битимлар қайд этимоқда. Мазкур нархлар икки йиллик минимумлар ҳисобланади. Ўтган йили шу вақтда буғдой нархлари 480 долларгача кўтарилган ва айни шу нархлар тенденциялари амал қилаётган кунларда Ўзбекистонда ғалла нархлари эркинлаштирилган эди. Ўтган йилги давлат ресурслари учун буғдой ҳосили дастлаб тоннасига 3 млн.сўмдан сотиб олинган, 1 августдан кейин биржа нархларидаги фарқ ҳам қўшимча тўлаб берилган эди. Бу йилги давлат ресурслари учун сотиб олинадиган буғдой нархлари эълон қилингани йўқ. Катта эҳтимол, нархлар глобал тенденцияларни ҳисобга олинган ҳолда белгиланади.