Ўзбекистондан Хитойга газ экспорти тикланган Хитой статистикасига кўра, апрель ойида Ўзбекистондан 40,5 млн.доллар газ импорт қилинган. Ўзбекистондан Хитойга газ экспорти охирги марта ўтган йили декабрда рўй берганди. Ўзбек статистикасига кўра, апрель ойида жами 90 млн.доллар атрофида газ экспорти амалга оширилган. Газ экспорти географияси давлатлар қирқимида очиқланмаган. Узоқ йиллик шартномаларга кўра, Ўзбекистон Хитойдан ташқари Қирғизистон ва Тожикистонга ҳам газ экспортини амалга ошириб келади.