Тошкентлик Раҳимжон Расулов хонадонида 6 кВт қувватли кичик қуёш фото электр станцияси ўрнатиб фойдаланмоқда. Станция орқали ишлаб чиқарилган электр энергиясининг ўз эҳтиёжларидан ортган қисмини эса у ҳудудий электр тармоқлари корхонасига сотишни бошлабди. Хонадонга ўрнатилган станция орқали йилига 7 000 дан 10 000 кВт.соатгача электр энергияси ишлаб чиқарилади. Бугун, энергетика ресурсларини тежаш, муқобил энергия манбаларидан фойдаланиши ҳар қачонгидан кўра зарур. Биргина хонадоннинг ўзи муқобил энергия ишлаб чиқариб, уни сотишни бошлагани, энергетика соҳасида катта бир даврнинг бошланиши бўлиб хизмат қилади деган умиддаман.